ఈ వొక్క రోజు సంతోషం గా గడపండి = ఈ వొక్క విషయంలో - మీ మాట మీరు వినండి. = యిదే వేదాంతమంటే !

ప్రపంచంలో ఎవ్వరు మీ మాట విన్నా - మీరు పూర్తి 'శాంతి' తో వుండలేరు.

మీ చుట్టూ వున్న వారు - మీకు  ఏమి చేసినా - మీ 'సంతోషం' పరిపూర్ణంగా వుండదు.

ఎందుకంటే - 

మీ మాట ముఖ్యముగా వినవలసిన వొకే వొక ముఖ్య వ్యక్తి - మీ మాట వినడం లేదు గనుక.

యింతకీ - ఎవరా  ముఖ్య వ్యక్తి?

మీరే!                  మీరే, ముఖ్యంగా  మీ మాట వినడం లేదు.

అందు వల్లనే - మీలో పరిపూర్ణత లేక పోవడం, అశాంతి నిండి వుండడం.

నా మాట నేను వింటున్నా కదా. వినడం లేదని మీరెలా చెబుతారు?

మీ యీ ప్రశ్నకు మీరే సమాధానం వెతుక్కోవచ్చు. చాలా సులభం.

మీరు రేపు - ఏమేం చేయాలో వొక డయరీ లో రాయండి. 

ఎప్పుడు లేయాలో, ఎప్పుడు పడుకోవాలో, ఏమేం తినాలో, ఎవరితో మాట్లాడాలో, ఏమేం చేయాలో - అన్నీ వివరంగా , సమయంతో బాటు రాసుకోండి.

ఈ రోజు రాత్రి 9 గంటలకు -  యివన్నీ రాసి, మీ దగ్గిరే పెట్టుకుని, పడుకోండి. 

తరువాత - తెల్ల వారి లేయడం నుండీ - పడుకునే వరకు - మీరుగా రాసుకున్న లిస్టు లో - ఏమేమి సరిగ్గా, సమయం ప్రకారం చేస్తారో  చూసుకోండి.

మీరు 25 నుండి 50 శాతం వరకు చేయ గలిగితే - చాలా ఎక్కువ, చాలా బాగా చేసారన్న మాట.

మీరు అనుకున్న సమయానికి లేయను కూడా లేయరు. అనుకున్న సమయానికి పడుకోరు. నిద్ర పోరు. తినరు. యివి కాక, ముఖ్యమైన పనులు రాసుకుని వుంటే - ఆ అనుకున్న పనులలో సగం చేస్తే చాలా, చాలా ఎక్కువ. సగం చదివితే చాలా ఎక్కువ.   25 % రాస్తే చాలా, చాలా ఎక్కువ.వ్యూహాత్మకంగా, రచనాత్మకంగా చేయాలనుకున్న పనులు ఆరంభం చేస్తేనే ఎక్కువ. యిలా వుంటుంది సగటు మనిషి జీవితమంతా.

విద్యార్థులు తాము అనుకున్న వాటిలో - సగం అయినా  చదువ గలుగుతున్నారా? ఎక్కువైతే -  పది శాతం మంది చేస్తుండొచ్చు.

ఆ పది  శాతం మంది   మంచి  మార్కులతో పాసవుతూ వుండొచ్చు. అరవై లోపు మార్కులతో - పాసయే వారే ఎక్కువ కదా. వారంతా - సగటు మనుషులలోకే వస్తారు.

. 

జీవితం లోనూ అంతే. అరవై మార్కుల కంటే తక్కువతోనే - ప్రతి విషయం లోనూ - మనం పాసవుతున్నాము.

ఎందుకు?  

మన మాట మనమే వినడం లేదు గనుక.

సరే. మన ముఖ్యమైన  ఆశ, ఆకాంక్ష  ఏమిటి? మనం సంతోషంగా  వుండాలని.

అంతేనా. 

వొక పని చేద్దాం.

ఈ వొక్క రోజు - యీ వొక్క  24 గంటల కాలం - ఏం జరిగినా - అంటే : అత్త గారు  ఏమన్నా - బాసు తిట్టినా , డబ్బు పోయినా - కోడలు ఏ పనీ చేయకున్నా, భార్య ఎన్ని రకాలుగా మీ మూడు పాడు చేయాలని ప్రయత్నించినా,   భర్త తాగొచ్చినా - మిగతా ప్రపంచం ఏమైనా,  ...

నేను మాత్రం సంతోషం గానే వుంటానని భీష్మ ప్రతిజ్ఞ  చేయండి.

ఈ క్షణం నుంచి - యిది జరగాలి. 

మళ్ళీ వాయిదా వేసుకోకండి - రేపటి నుండి, వచ్చే  వారం నుండి అని. 

ఈ క్షణం నుంచి. వొక్క  24 గంటల కాలం- మీరు సంతోషంగా వుండాలి.

ఏ కారణానికీ - మీ సంతోషాన్ని మాత్రం పాడు చేసుకోకండి. డబ్బు పోతే పోనీయండి. సంతోషాని విడవకండి.

ఎవరు తిట్టిన్నా - తిట్టుకోనీయండి. మీ సంతోషాన్ని మాత్రం విడవకండి.

వొంట్లో - ఏవైనా రోగాలున్నా - మందులేసుకోండి. అంతకు మించి, అవి రేపెమవుతుంధో  - మాపెమవుతుం ధో నాన్న దిగుల్లంతా  విడిచెయ్యండి.  యీ 24 గంటల పాటు. అంతే. చాలా సింపుల్.

 వొక్క  24 గంటల కాలం - అంతే.

జీవితంలో ఈ వొక్క రోజు సంతోషం గా  గడపండి. ( రేపేం చేయాలో  రేపు చూద్దాం.)

యిదే వేదాంతం.       మరేం లేదు. అసలేం లేదు!!

చిదానంద రూపః  ; శివోహం; శివో హం. 

= మీ 

వుప్పలధడియం విజయమోహన్